Alexander Big Band taldearen eskutik jazz kontzertua antolatu du Senpere Kultura eta Ondarea elkarteak buruilaren 18an, larunbatean 20:30ean Larreko kultur gunean. Sartzea 18 euro ordaindu beharko da, 10 euro adin ttikikoek eta ikasleek. Osasun pasea nahitaezkoa izanen da.
Alexander Big Band hogei musikariz osatutako taldea da, horietarik bat kantari paregabea, Tarnoseko musika eskolako zuzendaria eta pianista den Arnaud Labastieren gidaritzapean. Kontzertuak besta giroko musika mundu baterat eramanen gaitu, Count Basie edo Duke Ellington amerikar big banden gisara.