Urdazubiko Kontrabandisten Lasterketan izena emateko epea zabalik da

Urriaren 9an eta 10ean antolatuko dute aurtengo Kontrabandisten Lasterketa Urdazubin.

Duela bi urteko edizioaren oinarria segituz, aurten Kontrabandisten Lasterketa eginen dute Urdazubin. Izen-ematea dagoeneko zabalik dago, www.herrikrosa.eus web orriaren bidez egin daiteke inskripzioa bi lasterketatan. Urriaren 9an, larunbatean, Gaueko Lanak lasterketa izanen da, 19:15ean abiatuko da eta 9,5 kilometroko eta 600 metroko desnibeleko ibilbidea eginen dute. Bigarren egunean, igandean, Maratoi Erdia eginen dute 10:00etan. 22 kilometro eta 1.200 metroko desnibela izanen ditu ibilbideak. Urdazubiko gazteriak, udalak eta Azkar Kirol Taldeak antolatu dute ekitaldia.

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun