Agorrilaren 10ean, ‘Su-hatsa’ erakusketa poetiko-eskultorikoaren hasiera ekitaldian izanen da Senpereko Larraldean. 17:00etan eginen dute Auxtin Zamoraren erakusketaren zabaltzea. Pantxoa Etxebere ‘Pottoka’ eta Maialen Ariztegi abeslariek parte hartuko dute. Krakada ere izanen da, norberak eramandako janari-edariekin.
‘Su-hatsa’ Auxtin Zamora artistaren proiektua da. Bere bizitzako garai honetan «zahar izatetik berriz haur izaterako bidean» dela suarekin harremanetan sartzea maite du. Suaren sentitzeak emandako burutazioetatik sortu du oraingoan. ‘Su -hatsa’ erakusketa, 2021eko ‘Hatsa’ kideen testu hautatuekin lagundurik dator.
Agorrilaren 29ra arte egonen da ikusgai arratsalde oroz Senpereko Larraldean.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.