Burdinaren Eguna eginen dute abuztuaren 7an Urdazubin

Ttipi-Ttapa 2021ko abu. 4a, 09:00

Larunbatean ospatuko da berriz ere Burdinaren Eguna Urdazubin. Goizeko hamarretan hasi eta arratsaldeko seiak arte artisauen azoka izanen da herriko plazan, baita haurrentzako jokoak ere.

Eguerdian, burdin mineralez kargatutako idiak ailegatuko dira Axular baserritik plaza ingurura eta urtero bezala, burdina urrezko txanponengatik trukatzeko ekitaldia eginen dute, Bizkaiko benakeroek eta Salbatore monasterioko abadeak tratua egiten dutenean.

19:00etan, magia ikuskizuna eskainiko dute Javi eta Ankak eta ondotik, Estitxu Pinatxoren kontzertua izanen da. Aurtengoan, urtero egiten bada ere, ez da zikirorik antolatu, egungo egoerak ez baitu horretarako aukerarik ematen.

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun