Agorrilaren 29an eginen da Sarako Olhain Ikastolak emazte eta neskentzat antolatutako lasterketa. Izen ematea hemen egin daiteke eta 8 euroko prezioa du. Egunean bertan ere izanen da izen emateko aukera, 10 euro ordaindu beharko da.
7.5 kilometroko ibilbidea eta 200 metroko desmaila izanen du Sorgina Trailek. 10:30an izanen da abiatzea eta parte hartu nahi duenak ‘pass’ sanitarioa eta medikuaren agiria aurkeztu beharko du.
Emazte eta nesken lasterketaz gain, ibilaldia eginen da eta hau denei irekia izanen da. 09:30ean abiatuko da eta izen ematea egunean bertan egin beharko da 4 euro ordainduta.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.