Uztail hondarrean eta abuztuan hainbat ekitaldi izanen dituzte Urdazubin. Heldu den larunbatean, uztailaren 24an, Sergio Arrospideren eskutik, bakarrizketa saioa izanen dute. 19:30ean hasiko da saioa eta ondotik kontzertua izanen da. Hortaz, 20:00etatik aitzinera Niko Etxart eta Dom Earl & Kiki Gracieteren musikak girotuko du herria.
Burdinaren Eguna
Abuztuaren 7an Burdinaren Eguna izanen dute eta haurrendako jokoak (egun osoz, 10:00etatik 18:00etara), burdina urrezko txanponarengatik trukatzeko ekitaldia (12:00etan) eta Javi eta Ankaren magia ikuskizuna (19:00etan) izanen dituzte. Eguna borobiltzeko, berriz, Estitxu Pinatxok kontzertua emanen du (20:00etan).