16 gaztek parte hartu zuten joan den larunbatean Senpereko Oxtikenean jokatu ziren Lapurdi, Baxenabarre eta Zuberoko eskolarteko bertsolari gazteen txapelketako bi finalerdietan. Eta horietatik sei gaztek lortu dute larunbatean Senpereko Larraldean jokatuko den finalerako txartela. Tartean izanen dira Haira Aizpurua eta Laida Etxeberri saratarrak.
Haira Aizpurua eta Laida Etxeberrirekin batera, Oneka Arteaga, Haize Lekuona, Aetz Etxart eta Oihan Perez dira iparraldeko eskolarteko bertsolari gazteen txapelketako finala jokatuko duten sei gazteak. Finala, larunbatean, ekainaren 26an, Senpereko Larraldean izanen dute, 10:30ean hasita.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.