2021eko 'Hatsaren poesia' liburua aurkeztuko dute igandean Senperen

Hatsaren poesia eguna 2019an

Ekainaren 13an aurkeztuko du Hatsa elkarteak Hatsaren poesia liburua Senpereko Larraldean. Ehun idazle inguruk parte hartu dute liburuaren idazketan eta egun osoko egitarauaz gozatzera gonbidatu dituzte.

Urtero argitaratzen du Senpereko Hatsa elkarteak bere olerki bilduma 1999an hasi zenetik. Nahiz eta normalean apirileko lehen asteburuan ospatu ohi duten ekimena, pandemia dela-eta, ekainera gibelatu behar izan dute. Hau izanen da aurtengo egitaraua:

  • 11:00tan elkarretaratzea
  • 11:30ean liburuaren aurkezpena
  • 13:00etan aperitifa, eta ondoren bazkaria (norberak etxetik ekarria)
  • 16:00etan partaideen irakurraldi eta kantaldi poetikoa, Leire Zabala, Matxalen Bezos eta bertze hainbaten eskutik

Honez gain, elkarteak Auxtin Zamorarekin egindako SUHATSA erakusketa poetikoa ikusgai egonen da egun guztian. Informazio gehiago lortzeko eta harremanetarako, hatsarenpoesia@gmail.com helbide elektronikoa paratu dute eskuragarri.

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun