Urdazubin bi pertsona zaurituta auto bat bidetik atera, belai bat gurutzatu eta talka egin ondotik

Istripu ikusgarri hau Urdazubin gertatu da gaur arratsaldeko biak aldera, auto bat bidetik atera eta belai bat gurutzatu ondotik, Salbatore karrikako etxe baten ondoko hesi baten kontra gelditu da. Talkaren ondorioz, adineko gizonezkoa Nafarroako Ospitalera eraman dute anbulantzia batean, zauri arinekin, eta emakumea istripuaren tokian bertan artatu dute guardiako mediku-erizainek eta Oronozko suhiltzaileek.