Ekimen preziatu honek bertze ideia bat sortu du eta oraigoan buraso batzuek eskainiko oilo batzuen haztea deliberatu dute, arduradun guzien artean. Txori ttipi batek salatu dit, hurbileko oilasko batzuen presentziak piztu lukeela ideia hori.
Lau oiloen aterpe
Irri solas honetatik kanpo, herriko langileek eraiki oilategia haurrek tindatu dute lau oiloen aterpetzeko. Haatik ikusiz zer deiturak emanak izan diren; Zozotte, Pipa, Clochette eta Ninette, pentsatzen ahal da ez direla oilo euskaldunak. Proiektu hori biziki interesgarria da, ikusmina sortzen duelako animalia eta ingurumenaren zaintzari buruz, haur ttipi hauen gain baita mundu honen geroa, izadia errespetatuz. Ororen buru jakin dugu, eskolak parte hartuko duela Frantziako baratze xapelketa berezi batean. Biba amoztarrak!