‘Kasu, kasu ostalariak kexu!’ kolektiboak beraien egoeraren berri emateko elkarretaratzea egin zuten atzo. Pandemia hasi zenetik zazpi hilabete hetsita egon direla adierazi eta «egoera zail honetan hautetsien laguntza» behar dutela aldarrikatu zuten.
Kolektiboak gaineratu zuenez «pandemiaren hedakuntza saihesteko hartutako neurriek ostalaritza gogor zigortu dute». Etorkizunera begira «ateak berriz edekitzeko perspektibarik ez» dutela adierazi eta ostalarien arteko «elkartzea eta mugitzea baitezpadakoa» dela azpimarratu zuten.
Azkenik, Saran elkartutako ostalariek «Ipar Euskal Herri mailan duten eragiteko ezintasuna eta informazio eza» salatu eta «laster ekintza gehiago» eginen dituztela iragarri zuten.