La Caixa fundazioaren bidez, Urdazubiko Udalarekin lankidetzan kolesterolaren ibilbidea egitasmoa martxan paratu dute. Zahartzeak pertsonengan duen eragina gibelatzeko diseinatutako sei aparatu espezifiko erosteko 5.400 euroko dirulaguntza hartu du Udalak. Ekipamendu horien erabilerarekin bizitza aktiboa sustatzeaz gain, ariketa fisikoa egiteak pertsonengan duen onurez kontzientziatu nahi dituzte herritarrak.
Erositako tresna guztiak altzairu galbanizatuarekin eginak dira: gihar abdominala eta lunbarra indartzekoa, ipar martxa, bolantea, besoen, sorbalden, ukondoen eta eskumuturren koordinazio orokorra bultzatzeko, bizikleta estatikoa eta hankak indartzeko tresnak.