Dantxarineko pintxo hamabostaldia urriaren 15tik urriaren 31rat izanen da.
Pintxo egile hoberenak mugako bi aldeetako sukaldariez osatutako epaimahai baten eskutik jasoko dute saria. Halere, badira pintxoa probatzen eta baloratzen duten bezeroendako sariak: Pintxoa dastatu ondoren bere datuak utziz gero, zozketa batean parte hartuko dute bezeroek eta Mutrikuko Haitzalde landetxean asteburu pasa bat irabaz dezakete.
Bertzalde, Urdax.dantxarinea facebooken ageri diren argazkietan komentatzen duten pertsonek ere badute saria: Urdazubiko jatetxe batean bi lagunendako bazkaria hain zuzen ere.
Aurten, berrikuntza bezala, pintxo guztiek onddoak eta urdaiazpikoa eraman beharko dute.