Nafarroako Gobernuak Udalaren laguntzaz antolaturiko Heziketa eta ondarea jardunaldien barne, aurten ere Berroberriko eta Alkerdiko leizeak eta bertako pinturak ikusteko aukera izanen dute urriaren 3an, heldu den larunbatean, SOS Alkerdi Plataformaren laguntzarekin.
Aitzineko lau urteetako programazioaren eskemari jarraiki, 10:00etan abiatu ziren herriko plazatik eta leizeetaraino ibilbidea osatuko dute. Geldialdiak ere eginen dituzte eta puntu adierazgarrienei buruzko azalpenak eman zituzten, zaldi urdinaren bidearen parte bat erabiliz horretarako.
Alkerdi-Berroberriarat ailegatuta, taldeka banatuko dira eta Nafarroako Gobernuko arkeologo baten laguntzaz, herriko ondarea ezagutu bidenabar, pinturak ikusteko aukera izanen dute bisitari guztiek.
Alkerdiko sistema karstikoaren (kultura-intereseko ondasun izendatua da) garrantziari buruzko hitzaldi bat ere emanen dute ekitaldia borobiltzeko.