Herriko Etxeko Elur Alberdik dioen bezala, «nahiko arranguratuak ginen, osasun neurri zorrotzak bete behar direlakoz, eta horrek lana ez du errazten. Halere, jende ainitz etorri zaigu, eta abantzu usaian bezala iragan da. Antolakuntzaren aldetik arrakastatsua izan da. Larreko gela ederki betea zen. Ageri da jendeek nahi dutela aitzinerat jarraiki, egoera bitxi honen gainetik eginez».
Bertzalde, aurtengoan ere hautetsiek zerbitzako lana egin zuten, lehen aldia zen ekipa berriko ainitzentzat. «Ondikoz, bazkaririk edo zintzur bustitzerik ezin dugu egin, heldu den urtean agian!», aipatu digu Alberdik.