Karabanen etortzeak ere kezka eragin du herritarrengan
Karabanak aparkatzeko afera urte pare batetik honat ere nabarmen ikusten ari dira Zugarramurdin, baina hilabete hauetan aise gehiago etortzen ari dira, eta jendea kezkatzen hasia da. Orain arte, gehienak gaua pasatzera etortzen ziren eta goiz aldera partitzen ziren. Azken aldian, ordea, hau aldatzen ari dela iduri du, eta zehazki, joan den abuztuaren 11n arazo larria bihurtu zen. Egun horretan zabor-kontainerrak hustu gabe gelditu ziren, karabanek pasabidea hetsi ziotelako eta bilketa kamioia ezin sartu gelditu zelako.