Aurtengo inauteriek badute eguna Saran: martxoaren 7an eta 8an iraganen dira, bertze herrietan baino berantago. Ohi bezala, larunbatarekin, martxoaren 7an, gazteak izanen dira mozorro besta hasiko dutenak, auzoz auzo eta etxez etxe eskean ibiliz. Gauean Pleka Trinketean eginen den kontzertuarekin borobilduko dute eguna. Igandean, martxoak 8, eguerdi aitzinean, mozorroen desfilea, dantzak, musika, kanta eta nola ez, zanpantzarraren auzia izanen dira plazan. Ondotik, gazteek etxez etxe eskean segituko dute.