Bertso Udalekuak eskainiko dituzte Zugarramurdiko aterpean

Ttipi-Ttapa 2020ko ots. 23a, 10:00
Iaz, Duzunaritzen.

Udan bertsolaritzaz gozatu nahi duten gazteentzako Bertso Udalekuak antolatu ditu Bertsozale Elkarteak Euskal Herriko hainbat txokotan, tartean Zugarramurdin. Bertso eskoletako kideek edota gurasoren bat Bertsozale Elkarteko bazkide dutenek lehentasuna izanen dute udalekuetan izena emateko. Horientzat martxoaren 3tik 16ra irekiko dute izena emateko epea; gainerakoentzako, berriz, martxoaren 18tik 30era zabalduko dute.

Zugarramurdi, Orio, Uitzi, Soplea eta Zuhatzan eskainiko dituzte Bertso Udalekuak.

  • Uztailaren 2tik 11ra, Orion:  2004 eta 2005 urteetan jaiotako gazteak (15-16 urte).
  • Uztailaren 3tik 9ra, Zugarramurdiko Graxiana Sorginen Aterpean: 2007 eta 2008 urteetan jaiotakoak (12-13 urte).
  • Uztailaren 10etik 19ra, Uitzin: 2006an eta 2007an jaiotakoak (13-14 urte).
  • Uztailaren 21etik 30era, Sopelan: 2002 eta 2003 urteetan jaiotakoak (17-18 urte).
  • Uztailaren 27tik 31ra, Zuhatzan: 2009 eta 20011 bitartean jaiotakoak (9-11 urte).

Izen-ematea Internet bidez egiten ahalko da www.bertsozale.eus atarian. Apirilaren 20a baino lehen emanen diete erantzuna izena eman duten guztiei. Argibide gehiagorako +34 943 69 41 29ra dei daiteke.

Kultura Xareta Zugarramurdi

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun