Atxuri Urdin herriko realzaleen taldeak Altsasuko gazteei sustengua adierazteko gaualdia antolatu du otsailaren 14rako, «hiru urteren ondotik, injustizia hura salatzen segitu nahi dugulako».
Ortziralean 19:00etan elkarretaratzea eginen dute eta ondotik, Ellande Alfaro eta Amets Arzallusekin ostatuz ostatu bertso poteoa eginen dute. 21:00etatik goiti kontzertuak hasiko dira. Aho Zakil Konexion eskualdeko punk taldearekin hasiko da musika emanaldia. Segidan, lehen aldikoz, Lapurdin Bergarako Kaleko urdangak punk-oi talde famatua ariko da. Gaualdian Binilo balak eta Kevin Jager disko jartzaileek dantzarako musika jarriko dute eta jatekoa eta edatekoa ere izanen da. Kontzertuetara sartzeko bortz euro ordaindu beharko dira.