Bertsolari txapelketa nagusiko zortzi finalistak ariko dira kantuan otsailaren 9an Senpereko Larreko Gelan. 16:00etan hasiko da saioa eta sartzea 10 euro/eusko ordaindu beharko dute helduek eta 5 euro/eusko haurrek. Sarrerak Elkar dendetan, Ikastoletan edo www.herriurrats.eus atarian eros daitezke.
Maialen Lujanbio, Sustrai Colina, Beñat Gaztelumendi, Aitor Mendiluze, Unai Agirre, Aitor Sarriegi, Amets Arzallus eta Igor Elortza ariko dira errima eta doinuekin solasean. Seaska Iparraldeko Ikastolen Elkarteak Herri Urrats bestaren atariko, antolatzen dituen ekitaldietako bat da.