Larunbatean 11:00etatik 16:00etara bisitatzeko aukera izanen dute nahi duten guztiek
Sarako Saint Joseph eskolaren orainoko eskolak azken egunak ditu, dena botako baitute bizitegiak egiteko. Orainokoaren ondoan, pixka bat beheraxeago eginen dute berria, eta 2020ko buruilerako finitu nahi dute. Hala bada, sasoia ikastetxe berrian hasiko lukete. Eskolatik jakinarazi dutenez, Eguberrietako oporrak baliatu nahi dituzte Larrun eraikinerat aldaira egiteko eta eraiki berria egin artean, parrokiak utzitako geletan eta herriak prestatuko dizkioten bertze batzuetan emanen dituzte eskolak. Hori antolatzen ere izanen dute orai lana.
Goizez eta arratsaldez irekia
Baina egokitzapen lan horiekin hasi baino lehen, orainoko eskolaz ez ahanzteko, oroitzapenak gogoan atxikitzeko eguna antolatu dute Xabi zuzendariak eta bere lantaldeak. Larunbat honetan, abenduak 14, 11:00etatik 16:00etara eskolako ateak irekiak izanen dituzte eta nahi duten guztiek izanen dute bisitatzeko aukera: burasoek eta buraso ohiek, ikasleek eta ikasle ohiek, lagunek...
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.