Ez Otoi Pentsak irabazi du Taldekako Xilaba txapelketa

Ttipi-Ttapa 2019ko aza. 18a, 15:00
Ez Otoi Pentsa-ko kideak txapela soinean, tartean Maddi Ane Txoperena mikrofono aitzinean bere anaia Josu gibelean duela.

Hasta la 2toria taldearen aurkako lehian, Maddi Ane Txoperena (Lesaka-Hendaia), Josu Txoperena (Lesaka-Hendaia), Miren Artetxe eta Gorka Artetxek osatutako Ez Otoi Pentsa taldea nagusitu da Taldekako Xilaba txapelketaren finalean.

Irailaren 20an hasi zen Taldekako Xilaba txapelketa joan den larunbatean Izturitzeko (Nafarroa Beherea) herriko gelan borobildu zuten. Aretoa betea zela, Ez Otoi Pentsa taldea gailendu zitzaion Elixabet Etxandik, Lur Renteriak, Maddi Sarasuak, Hodei Renteriak eta Leire Laskaraik osatutako Hasta la 2toria taldeari.

Zuberoa, Nafarroa Beherea eta Lapurdiko bederatzi talderen artean jokatu dute aurtengo Taldekako Xilaba. Bederatzi saioko ligaxka baten eta bi finalerdiren ondotik, finala larunbatean egin zuten.

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun