Proiektu horren barne, alde batetik, txoriak kontatzeko etxola eraikiko dute eta horrez gain, Lizarietako lepotik pasatzen diren ibiltari eta mendizaleentzako lehorra eginen dute, bertzeak bertze, zerbitzuak edo komunak izanen dituena. Zaldiekin dabiltzanek ere animaliak uzteko tokia izanen dute eta ibiltarientzako bidaxken informazioa edo mapa bilduko duen panela ere paratuko dute.
Lanak egiteko behar den dirua nagusiki Euskal Hirigune Elkargoak bideratuko du eta herriko lantegiak arduratuko dira obraren zati handienaz, terrazaz izan ezik. Hargin-lanak Mikel Iriartek eta Beñat Mendiondek eginen dituzte, zurgin-lanak Peio Amestoik eta elektrizitateaz Jean Luk Soudre arduratuko da. Terrazako obra izanen da herritik kanpoko lantegi batek eginen duen bakarra. Sobamat enpresak eginen du.