Igande goiz osoan, epaimahaikideek bisitatu eta dastatu zituzten pintxo lehiaketan parte hartu zuten benta eta pintxo guztiak. Catherine Marchand, La Semaine du Pays Basque aldizkariko kazetaria; Bloger Christope; abudo Hendaian jatetxea irekiko duen Chef Oumar; Martin Iturri, Iruñeko La Taberna Cocotte jatetxekoa; Iñaki Ariztia, Urdazubiko alkatea; Santiago Villares alkate ohia eta Dantxarineko Merkatarien Elkarteko Txomin Iribarrenek osatut zuten epaimahaia.
Hamabost egun horietan pintxoak dastatu dituzten jendearen artean Mutrikuko Haitzalde landa-turismo etxean asteburuko egonaldia zozketatu dute eta Bidarteko Nicole Fucik suertatu da irabazle. Facebooken bidez pintxo irabazlea bozkatu dutenen artean ere zozketa bat egin da eta Paco Bentan otordua izanen du saritzat Urdazubiko Elena Martin Torreblancak.