Mutrikuko Haitzalde Landa-Turismoan asteburua eta jatetxe irabazlean bi pertsonendako bazkaria zozketatuko dira pintxo onenaren bozketan parte hartzen dutenen artean
Dantxarineko Pintxoaren seigarren hamabostaldia egiten ari dira urriaren 15etik 31ra bitarte. Hamabortz egunez Dantxarineko bentetako jatetxeek pintxoak eskaintzen dituzte eta sariak izanen dira, pintxo onenaren bozketan parte hartzen dutenendako.
Mugaren bi aldeetako sukaldari ospetsuak izanen dira epamahaian eta pintxo onena izendatuko dute. Dantxarineko pintxo onenaren aukeraketan parte hartzen dutenen artean Mutrikuko Haitzalde Landa-Turismoan asteburua zozketatuko da. Parte hartzeko Bentetan egonen diren boletoak bete eta bertan utzi beharko dira.
Bertzalde, Urdax-Urdazubiko Facebook orrialdean botoa emanez gero jatetxe irabazlean bi pertsonentzako bazkaria irabazteko aukera ere izanen da.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.