Haurren opor egunak tarteko, haur bilguneko ateak urriaren 21etik 31 arte izanen dituzte zabalik, astelehenetik ortziralera 07:30etik 18:30 arte. Jarduerak, berriz, 09:00etatik 17:00 arte eginen dituzte. Horien artean, yoga, kirolak, eskulanak, film emanaldiak eta ateraldiak eginen dituztela iragarri dute: hala nola, Ossau Irati ardi gasna sormarka eta Ezpeletako piperrak ezagutzeko bisitak, Itsasuko baserri batera bisita, Azkainera mendi martxa, Donibane Lohizunera irteera...
Eguneko prezioa 11,50 eurokoa izanen da saratarrentzat eta kanpokoentzat 13 eurokoa. Izen-ematea Herriko Etxean egin beharko da urriaren 8a baino lehen, eta hortik aitzinera berantegi izanen dela adierazi dute. Bertzalde, haurra joaten ez bada 09:00 baino lehen haur-bilgunera deitu beharko da eta joaten ez direnean justifikatu egin beharko dute mediku agiria mairie@sare.fr helbidera idatziz. Arrazoirik edo abisatu gabe joaten ez denari berdin-berdin kobratuko diete.