Ondare natural eta kulturalaren balioa azpimarratzeko jardunaldiak antolatzen dituzte urtero Europa mailan eta haiekin bat egin dute Zugarramurdin eta Urdazubin. Hainbat ekitaldi prestatu dituzte larunbaterako.
Urdazubin lezeetara bisita
Pottoka urdinaren seinaleei segituz, Alkerdi eremuan barna ibilbide gidatua eginen dute Alkerdi-Berroberria lezeen atarira. Larunbatean, irailak 28, 10:30ean plazatik aterako dira.
Zugarramurdin goizez eta arratsaldez ekitaldiak
11:30ean Ametsak ikusgarriaz gozatzeko aukera izanen da Museotik abiatuta. 13:00etan Argitxo Iratxoa Museoko ganbaran ariko da. 17:00etan txotxongilo bizidunak eskolako plazan ariko dira eta ordu erdi beranduago, 17:30ean bertze herrialdeetako kantak aditzeko aukera izanen da Museoko auditorioan. Horrez gain, Sormena eta Bainuetxea antzezlanak ere eskainiko dituzte. Gisa honetara, hamar urte baino gehiagoz Zugarramurdin egin izan den Titiriteroen Topaketa berreskuratu nahi dute.