Kalakan taldearen emanaldia ardatza izanik, egun bakoitzari izaera berezia emanen dien gonbidatuak izanen dituzte aldamenean. Jaialdiaren lehenengo egunean, irailaren 20an, musika gaelikoa izanen da protagonista, Kim Carnie abeslariaren eta Innes White gitarra-jotzailearen eskutik. Bigarren egunean, larunbatean, irailak 21, Loinatz Abesbatza igoko da taula gainera. Azkenik, jaialdiari amaiera emateko, igandean, irailak 22, euskal musika tradizionalaren txanda izanen da Berçaits Anaien, Andoni Aguirreren eta Dominique Le Guichaouaren eskutik. Kalakaneko kideek azaldu dutenez emanaldi bakoitza mimoz prestatu dute eta berezia izanen da: «bi kanta bakarrik errepikatuko ditugu hiru kantaldietan». Sarako lezeetan izanen dira kontzertuak, 21:00etatik aurrera.