Agorrilaren 26an eginen da aurtengo Kontrabandisten Eguna eta egun osoko egitaraua izanen du. Goizez, sortzaileen merkatua antolatu dute plazan eta txalaparta eta alboka doinuak aditzeko aukera ere izanen dute. 12:00etan muxikoak eta trikitilariak ariko dira eta pottoka gainean plazan itzulia emateko aukera izanen dute. 16:00etan herri-kirol saioa antolatu dute eta joaldunak ere ibiliko dira. 17:00etan haurrentzat Kontrabandista Ttiki Lasterketa eginen dute eta 18:00etan nagusien lasterketa, 8,4 kilometroko luzera eta 522 metroko malda duena.