Argazki eta olerki erakusketa irekiko dute abuztuaren 3tik 17ra Senperen

Senpereko Amotz auzoko Larraldean zabalduko da erakusketa.

Amotz auzoko Larraldean Argi”hitz”kiak erakusketa ikusgai izanen da 

'Hatsa'-kideen eta beren lagunen arteko hirugarren erakusketa iraganen da abuztuaren 3tik 17ra Senpereko Amotz-Larraldean. Hatsa elkartearen urteko olerki bilduman parte hartu duten gehienen idatziak 110 bat kuadrotan agertuko dira, lurrean etzanik, Auxtin Zamoraren argazki artistikoeri loturik.

Zergatik lurrean etzanik?

Auxtin Zamorak aipatu digunez, «lurraren arrasean diren gauz maitagarrien gainean, maizetan, ez ohartuki pasatzen gira, alta, hor dira, bai bere azalean, zerutik erori guziak, euri, hosto, izar puskak, gu, gizakiak, lur azalean ere, bere barnetik, ateratzen diren gure janariak, loreak, onddoak, urre errautsak eta abar… Haur ttikien eremu paregabea ere bada lur azala, bere gainean, potikoka egiten baitituzte beren lehen urratsak eta jolasak. Olerkarien mundua, maiz, haurtasunaren eraginekin betea da. Horra zergatik, Hats-Arte erakusketa honen parte hartzaileek  uste dugun (beharbada haurrek amestu dezaketen antzera), gure idatzi eta argazkiek, lur gainean ezarriak izanez, beren lurreko sustraiekin bat eginen dutela».

TTIPI-TTAPA da Nafarroa Garaiko mendialdean dagoen euskarazko hamaboskari bakarra, eta zu bezalako irakurleen babesa behar du aitzinera egiteko.


Izan zaitez harpidedun