Erakusketa didaktikoa izanen da eta oinarrizko erritmo tradizionaletara hurbilketa historiko eta kulturala eginen dute. Erritmo horiek non, noiz, nola eta zergatik sortu diren azaldu eta gero jo eginen dituzte. Txalaparta tradizionalaren berezko pultsuari teknika berriak, kolpe berriak eta beste material batzuekin (harriekin, burdinekin, bidoiekin...) nahasten dituzten zur motak gehituko dizkiete. Ozentasun propioa lortuko dute, galdera-erantzuna jokoan eta inprobisazioaren jokoaren garrantzian oinarritutako jatorrizko sorkuntzak lortuko dituztelarik. Herritarrak erritmo, tinbre eta melodia guztiz berriko unibertso batean murgilduko dira.
Txalapartaren hastapenetik forma modernoetarainoko ibilbidea ezagutzeko hitzordua 18:00etan dute
Txalapartak hastapenetik izan duen bilakaerari jarraituz, forma moderno eta garaikideetaraino ibilbide bat proposatuko du Hutsun Taldeak uztailaren 11n, bigarren ortzegunean, herrian. 18:00etan dute hitzordua, herriko lezean. Sarrerak bertan salduko dituzte helduenak 4,5 euroren truk eta 6-12 urte bitarteko haurrenak 2,5 eurotan.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun