Izan ere, Senpere eta Lapurdiko Euskara XVIII. mendean bere liburua aurkeztuko du Lapurdi 1609ko Xabier Elosegik, Mediatekan. Berehalako itzulpena ere segurtatuko dute. Yannick Audot arduradunaren ustetan «entzulegoa zabaltzeko egiten dugu itzultzeko indarra». Luntxa eskainiko dute ondotik. Dena urririk.
Bertzalde, Guiltcouk zehaztu duenez, «ikastolako gurasoen elkartea hurbildu zaigu, oharturik eskuarazko jardun gehiago behar zirela, haurrendako ororen buru. Honenbertzez, Haurren Xokoa izanen da larunbatarekin, urririk. Jostagailu eta animazione ainitzez baliatu ahal izanen dute eskuaraz. Ez dezagun ahantz, herriko bi gazte, Eneko Lamothe eta Julen Borthaire oholen gainerat upatuko direla lehen aldikotz igandean, haiek asmatutako kantuak emaiteko».
Ustegabeko aldaketaren egiterat behartuak izan dira antolatzaileak. Mattin Leriza etortzekoa zen igandeko kantaldirat, bainan azkenean ezin izanen du. Erramun Martikorenak ordezkatuko du. Azkenik, astearteko besta eguna herriko elkarte batzuk antolatuko dute, Kasetas etxolak ezarriz eta animatuz Zarikan.