Normalki Urdazubiko Salbatore besten aitzineko igandean egiten zen Urdazubiko Kontrabandisten Lasterketak aldaketak izanen ditu aurten. Hasteko data aldatuko dute eta urriaren 20an eginen dute, igandean10:00etan abiatuta. Ez da aldaketa bakarra izanen: 16 kilometro eskas izatetik, maratoi erdia izatera pasako da. 21,47 kilometro luze eta 1.200 metroko desnibela duen ibilbidea prestatu dute Urdazubiko Gazteriak eta Urdazubiko Udalak.
Bezperan gaueko lanak
Hain ibilbide luzea egin nahi ez dutenek eta gauez lasterka ibiltzea nahiago dutenek ere izanen dute aukera. Bezperan, urriaren 19an, Gaueko lanak izeneko lasterketa antolatu dute. Larunbatean 19:45ean abiatuta, 9 kilometro eta erdi luze eta 500 metroko desnibela duen ibilbidea osatu beharko dute korrikalariek.
Izena emateko aukera laister irekiko dutela jakinarazi dute, https://play.sport-madness.com webgunean. Informazio gehiago ere eska daiteke, arantxa@sport-madness.es helbidera idatziz.