Parapentean ibiltzeko aukera izanen da Zugarramurdin

Azkeneko hilabete hauetan franko usaiako egiten ari zaigu Atxuria inguruan parapenteak ikustea, eta hemendik aitzina oraindik maizago ikusiko ditugu segur aski. Izan ere, Irungo Centro de vuelo Bidasoak antolatzen dituen parapente ikastaroko praktikak mendi honetan eginen dituztela jakinarazi dute. Horretaz gain, edozeinek izanen du parapentean ibiltzeko aukera. Interesatuek Graxiana aterpetxera jo eta bertan eman beharko dute izena.