Pentekoste Eguna ospatuko dute Dantxarinean gaur

Ttipi-Ttapa 2019ko ekainaren 10a
Deskargatu Info Ahotsak :
Español English Français Català Galego

Pentekoste eguna ospatuko dute Dantxarinean.

1.500 euroko txekea emanen zaio Dantxarineko Ostalaritza eta Merkataritza Elkarteak jarri duen promozioko irabazleari

Dantxarineko Pentekoste Eguna ospatuko dute  ekainaren 10ean, astelehenarekin. Bigarren Gerra Mundiala ondoren mugak itxiak egon ziren urteetan zehar, Pentekoste egunean bakarrik irekitzen ziren, egun hau besta bihurtuz mugaren bi aldetako jendearentzat. Baina orain dela 30 urte baino gehiago ospatzeari utzi zioten. Dantxarineko Ostalaritza eta Merkataritza Elkarteak besta hau berreskuratu du azken urteotan eta bederatzigarren edizioa beteko du.

Egitaraua

10:00etan Puzgarriak eta musika.

11:00etan Euskal dantza.

12:00etan Sagardo txotxa eta txorixo pintxoa doan.

12:00etan Herri Kirolak Larretxea anaiekin.

14:00etan, 1.500 euroko txekearen irabazlearen ibilbidearen hasiera.

16:00etan bestaren bukaera.

 

Egunean bertan 1.500 euroko txekea emanen zaio Dantxarineko Ostalaritza eta Merkataritza Elkarteak jarri duen promozioko irabazleari. Irabazleak hiru hilabete edukiko ditu dirua bentetan gastazeko. Irabazlea benta guztietatik pasako da auto deskapotable batean txeke guztiak jasotzeko.

Bestak Xareta Urdazubi

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun