Ortziralean Saiberri abesbatzak kantaldia eskainiko du elizan 21:00etan
Kultur eskaintza zabala izanen dute ondoko egun eta asteetan Saran. Ortzirale honetan, maiatzak 31, Saiberri abesbatzak kantaldia eskainiko du elizan, 21:00etan. Sartzea bortz euro izanen da eta 14 urtetik beheitikoek urririk izanen dute. Larunbatean, berriz, Amaia Hennebutte Biarritzeko idazlea kontu kontari ariko da eta horrez gain, Neskatxena taldeak euskal kantak kantatuko ditu 20:00etan elizan. Igandean, ekainak 2, ikastolak antolatu mendi bizikleta proba eginen da, 08:30ean plazatik abiatuta.
Heldu den astean gehiago
Ekainaren 5ean, Lokarri abesbatzaren eskutik kantaldia izanen da elizan, 21:30ean. Sartzea hamar euro ordaindu beharko da eta 12 urtez beheitikoek urririk izanen dute.
Ekainaren 8an, bertzalde, Euskal Herriko Eskolartekoaren bat-bateko finala jokatuko da Lur Berri gelan, 11:00etan. Ekainaren 9an, berriz, Olhain ikastolakoek besta eguna dute.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.