Maiatzaren 16an, ortzegunean 19:00etan eginen den ekitaldi instituzionalean eta kirol ekitaldian, Santiago Villares Urdazubiko alkateak; Jose Luis Arasti, Nafarroako Gobernuko delegatuak; Maitena Ezkutari, Turismo eta Merkataritzako zuzendari orokorrak eta Javier Guillén, Espainiako Vueltako zuzendari orokorrak parte hartuko dute.
Aurkezpen ekitaldi instituzionalaren ondotik, kirol ekildia eginen dute. Miguel Indurain txirrindulari ohiarekin batera, Francis Lafarguerekin eta itzuliko zuzendari orokorrarekin irailaren 4ko etapa aztertuko dute.
Erakusketa asteburuan
Astebukaeran zehar bizikleta eta maillot historikoen erakusketa izanen da Urdazubiko kultur etxean Petit Musée des Cycles de Cambo les Bains eta La Peña des Géants de la Croüteren kolaborazioarekin. Sarrera doan izanen da.