Usaian bezala, egun osoko egitaraua prestatu dute. 08:15ean ongi-etorria eginen dute eta 08:45ean probei hasiera emanen diete. Guztira hamabi probatan lehiatuko dira: 08:45tik 12:30era boteluzean ariko dira (bortz pilotari eta ordezkari bat, sei partida eta finala jokatuko dituzte); 09:00etatik 10:00etara mendi bizikleta lasterketa eginen dute (talde bakoitzean zortzi lasterkari eta guztira 9,2 kilometro); 10:30etik 11:30era lasterka ibiliko dira (zortzi lasterkari erreleboka, 8,6 kilometro egiteko); 12:30etik 13:00etara bertsolarien txanda izanen da (bertsolari bakoitzak agurra eta bi ariketa puntuagarri); 13:00etatik 13:30era boteluzeko finala jokatuko dute eta 13:30etik 16:30era mus txapelketa eginen dute (herri bakoitzeko bi partaide). 14:00etatik 17:00etara herri-kiroletan lehiatuko dira (sokatira, arpana, orga eta egur pila) eta 15:15ean hasita bi orduz sukaldaritza proba eginen dute (bi parte-hartzaile herri bakoitzetik). 17:30etik 18:30era euskal dantzetan ariko dira (gutienez bi laguneko taldea eta bi dantza) eta 18:30ean, sei herriei buruzko galderak eginen dituzten proba eginen dute, Kultur Quizz (herri bakoitzeko hiru lagun). 19:15ean emaitzak emanen dituzte eta 19:15etik goiti afaria eta kontzertuak izanen dira.
Puntu gehien bildu dituen herriak irabaziko du norgehiagoka.