Sara Korrika taldearen 20. urteurrena dela eta, aurten bi lasterketa antolatu dituzte Saran. Alde batetik, larunbat honetan, martxoak 30, Sktrio deitu duten hirunakako lasterketa eginen dute estreinakoz. 12:00etan abiatuko da lasterketa eta taldeko bakoitzak hamar bat kilometro egin beharko ditu. Sari banaketa, berriz, 19:00etan eginen dute eta eguna borobiltzeko 20:00etan afaria eginen dute.
Bertzetik, biharamunean, hilak 31, 22 kilometro eta 1.600 metroko malda dituen lasterketaren eguna izanen da. 14. edizioa beteko du aurtengo lasterketak. 07:30ean dortsalak banatuko dituzte eta lasterketa 09:00etan hasiko da herriko plazatik. Lehenbiziko lasterkariak 10:45 aldera ailegatuko direla aurreikusi dute antolatzaileek. 13:00etan sari banaketa eginen dute eta zozketak ere eginen dituzte. Jatekoa eta edatekoa nahi duenak horretarako aukera izanen du.