Berako abesbatzak eta txistulariek emanaldia eskaini dute Zugarramurdiko lezeetan

Ttipi-Ttapa 2019ko mar. 25a, 12:00

Martxoaren 24an, Zugarramurdiko lezeetan kontzertua eskaini du Berako Abesbatzak, herriko txistulari taldearekin batera, Lezeen Egunaren baitan. Zugarramurdiko lezeen txokoetan igande eguerdian eskainitako emanaldian, abesbatza bakarrik, txistulariekin batera eta txistulariak bakarrik ere aritu ziren

Udaberri mugitua

Berako Zahar Etxean San Jose egunez eta Zugarramurdiko lezeetako emanaldien ondotik ere ez da isilik egonen Berako Abesbatza. Apirilaren 6an Elizondoko Benito Menni erresidentzian abestuko dute, maiatzaren 11n Iruñean eta maiatzaren 26an herriko lehen jaunartzetan. Ekainaren 2an sendotzetan abestuko dute; ekainaren 9an Aralarko San Migel baselizako mezan kantatuko dute eta ondotik kontzertua eskainiko dute eta ekainaren 23an, Bestaberri egunean, Perosiren meza kantatuko dute Berako elizan. 

Kultura Xareta Zugarramurdi

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun