Publiko helduari zuzendutakoa da, umorezkoa, euskaraz. Patxo Telleriak testuak sortzeko eta Mikel Martizenek, eta Telleriak berak, zuzenean antzezteko duten estiloarekin. Oraingoan, bikoteak bertze hiru musikari-aktorekin partekatuko du taula, hitzari, zuzeneko musikaren indarra gehituz. Beraiek dira: Maria Arriaga (soka tresnak: biolontxeloa, gitarra akustikoa eta elektrikoa), Ivan Allue (perkusioa, gaita, txistua) eta Adrian Garcia de los Ojos (pianoa, txistua). Euskal Herriko imajinario musikalaren errepaso ironiko, absurdu eta dibertigarria eskaintzen du, zuzeneko musikaz baliatuta.
'Ez dok hiru: Euskal musikaren benetako historia' antzezlana eskainiko dute martxoaren 24an Senperen
Datorren igandean 17:00etan Larreko gelan hasiko den emanaldirako bi sarrera zozketatuko ditu Ttipi-Ttapak
Lapurdi 1609ren eskutik, Tartean Teatroa antzerki taldeak Ez dok hiru: Euskal musikaren benetako historia antzezlana emanen du martxoaren 24an, igandean 17:00etan Senpereko Larreko gelan. Emanaldirako sarrera bikoitza zozketatuko du Ttipi-Ttapak.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun