Ikaslea izatez gain, herrian bizitzea bertze baldintzetako bat izanen da, baita 17 urte eginak izatea ere. Euskalduna izatea baloratuko dute. Interesatuek lana eskatzeko fitxa beteta eta gainerako dokumentuak otsailaren 28a baino lehen aurkeztu beharko dituzte Herriko Etxean.
Hilerrien prezioak
Sarako Herriko Kontseiluak hilerrien prezioak zein izanen diren ere jakinarazi du. Horren arabera, lurra 200 eurotan eskainiko du eta 50 urteren buruan berriz berritu beharko da hitzarmena. Hilobien kasuan, sei hobi dituenak 2.035,02 euro ordaindu beharko dira (zergak barne) eta bederatzi hobikoak, berriz, 2.277,40 euro (zerga barne).
Lokalak errentan
Sarako Olhain eraikineko bi lokalak ere errentan eman ditu Herriko Kontseiluak. Horietako bat Anne Marie Rastelek hartu du eta bertzea Duinat senar-emateek. Bi kasuetan bederatzi urtetarako hitzarmena sinatu dute eta bakoitzak hilabetero 550 euroko kuota ordaindu beharko du, zergak barne. Rastelek arte galeriarako erabiliko du eta Duinatek joskintza tailerra.