«Kantu guztiak CD bakarrean bildu ditugu»
Aspaldi disko guziak salduak direlakotz, «jendeak ari ziren galdezka, ez zutela nihun ere atzematen ahal. Eskasa bazela agerian genuen. Jendeen atseginarentzat kantu guziak bildu ditugu CD batetan emaiteko» argitu digu Jean-Noelek. Hamahiru kantuko diska da, beraz, batzuk herrikoiak Hondarribia edo Prima eijerra bertzeak bertze.
Gainerateko zonbait Istilarteko Jean-Pierre Soudre Gabarruz 'Larreko'k berak idatzi ditu, diskari izena ematen dion Senperen Kantuz bezala, batzuetan Jean-Noelekin (Lana Euskadin, Politika hoietan), doinua asmatzen zuelarik maiz Martxelek.
Kantaldirik eginen ote duten galdetuta, aldiz, ez dela batere errana baieztatzen du Martxelek : «Ez da gure xedea egia erran. Orduko boza ez dut gehiago, eta bat eman bageneza, bertze batzu eman behar genituzke doike!».