Urdazubiko Gauiñara elkarteak antolatuta, mus txapelketa jokatu dute abendu hondarreko asteburuan herrian. Bikote bakoitzak hamar euro ordaindu zituen. Irabazleak Ixiar eta Aitor Rementegi anai-arrebak izan ziren; bigarrenak, berriz, Martin eta Ana Mitxelena aita-alabak.Irabazleek bina botila ardo eta azpitxapeldunek gasna bat eraman zituzten.
Muslariak ez ezik, herritar andana bertaratu zen elkartera. Izan ere, antolatzaileek pintxoak egin zituzten eta edaria saldu zuten. Aitzinera begira bertze mus txapelketa bat antolatzekotan dabiltza.