Larunbatean 16:00etan plazan egin dute hitzordua eta eguneko bi protagonistak hurbildu bitartean, haurrei krakada eskainiko diete. Burasoek, berriz, arno beroa hartzeko aukera izanen dute. Pontx pailazoa ere plazan izanen da haurrei ikusgarria eskaintzeko.
17:30 aldera Olentzero eta Mari Domingi ailegatuko dira eta beraiekin plazan itzulia eginen dute kanta eta musika lagun dutela. Ondotik, neska-mutikoek Olentzerori eta Mari Domingiri kantak eskainiko dizkiete eta horrekin batera, musu emateko aukera ere izanen dute, baita karroan itzuliak egiteko parada ere. Segidan aperitifa izanen da herriko kantariek eta musikariek alaitua.
Herritarrei parte hartzeko gomita
Antolatzaileek haur, buraso eta familiako gainerako kide guztiei parte hartzeko deia egin diete. Eta horrekin batera, baserritarren arropak janzteko mezua ere luzatu dute, «kriseilua ahantzi gabe, Olentzerori eta Mari Domingiri ongietorririk beroena egiteko gisan».