Mattin Villaresek eta Jon Zozaiak irabazi dute Garesko V. Rallysprinta

Mattin Villaresek eta Jon Zozaiak irabazi dute Garesko V. Rallysprinta
Mattin Villares eta Jon Zozaia, garaile Garesen.

Joseba Beola eta Joxelu Iratzoki nagusitu ziren lehen bi txandetan, baina ezin izan zuten atera hirugarrengoan 

Urdazubiko Mattin Villares gidaria eta Jon Zozaia Goizuetako kopilotoa, Renault Clio Maxi autoa gidatuz, garaile suertatu ziren urriaren 20an Garesko V. Rallysprintean. Nafarroako asfalto gaineko Rallyrako baliagarria zen probako lehen txandetan orain arteko proba guztietan garaile izanak ziren Joseba Beola eta Joxelu Iratzoki nagusitu ziren, baina azkenekoan, matxura baten ondorioz, ez ziren atera.

 

Lehenbiziko bi txandetan Beola eta Iratzoki nagusitu ziren. Lehenbizikoan 7 minutu eta 53 segundo behar izan zituzten 14,8 kilometroko ibilbidea osatzeko. Iñaki Zozaia eta Xabier Andueza bigarren izan ziren (8:01) eta Mattin Villares eta Jon Zozaia hirugarren (8:04). Bigarrenean, 7 minutu eta 50 segundo behar izan zituzten Beolak eta Iratzokik, 7 minutu eta 57 segundo Villaresek eta Zozaiak eta 8 minutu eta segundo bat Zozaiak eta Anduezak. Hirugarrenean, erran bezala, ezin izan zuten atera Beolak eta Iratzokik. Villares eta Zozaia nagusitu ziren, 7 minutu eta 59 segundoko denborarekin. Iñaki Zozaia eta Xabier Andueza bigarren izan ziren, 8 minutu eta 8 segundoko denborarekin.

Azken sailkapenean, 11 segundoko aldea izan zen Mattin Villaresek eta Iñaki Zozaiak gidatutako autoen artean.

TTIPI-TTAPA da Nafarroa Garaiko mendialdean dagoen euskarazko hamaboskari bakarra, eta zu bezalako irakurleen babesa behar du aitzinera egiteko.


Izan zaitez harpidedun