Goizean ikusgarria, tailerra eta zintzur bustitzea
10:00etan azoka irekiko dute eta Pierre-Marie Nousbaum auzapezak hartuko du hitza.Ondotik, 10:30ean, Pantxix Bidartek musika ikusgarria eskainiko du, Ulisesen Odisea izenekoa. 11:30ean On'Art-en eskutik euskal mitologiaren inguruko arte plastikoen tailerra izanen da.
12:30ean, berriz, zintzur bustitzea eskainiko dute baina ez da ohiko otordua izanen, janari mitologikoak dastatzeko aukera izanen dela iragarri baitute antolatzaileek.
Eguerditik aitzinera gehiago
14:00etan musika tailerra eskainiko du Paxkal Indok eta beranduago, 15:00etan, marrazki maratoia hasiko da, hiru marrazkilari profesionalen eta publikoaren parte-hartzearekin. Aitziber Alonso gazte albumen irudigilea, Adur Larrea komikigilea eta Leo Saint Arroman irudigile gaztea izanen dira aurtengo gonbidatuak. Sortutako lan guztiekin erakusketa eginen dute.
16:30ean Scaramucciarekin irakaurketa animatuak eta antzerkia izanen dira eta 17:00etan Claude Labatek mintzaldia eskainiko du Gau izakiak euskal mitologian izenburupean.
Liburu salmenta egun osoan
Tailer eta animazio horiez gain, liburu saltzaileak ere Larreko izanen dira 11:00etatik goiti. Kamishibai ipuinak irakurtzeko teknikak ere bere txokoa ukanen du eta adinaren arabera hainbat eremu prestatuko dituzte: gazteentzat, familientzat... Jardunaldierako sartzea urririk izanen da.