12:00etatik 14:00etara moxal-dastaketa izanen da
Irailaren 9an, igandean, Burgete Zaldi Arraza Lehiaketaren XI. edizioa izanen da Urdazubin. Nafarroako arrazen erakusketaren bueltan, goiz osoko egitaraua antolatu dute Ascana elkarteak eta Udalak elkarlanean. 08:00etan hasiko dute eguna, zaldiak azoka-barrutian sartuz.
09:00etan sailkatze txandekin hasiko dira eta 14:30ean sari banaketa eginen dute, kategoriaka. Zaldiak ez ezik, eskulangileen lanak ikusi eta erosteko aukerarik ez da faltako, 10:00etatik 15:00etara bitarte jarriko duten eskulangintza azokan. Bien bitartean, 12:00etatik 14:00etara moxal haragia dastatzeko aukera izanen dute bisitariek. Goiz osoan, 15:00 arte, taberma zerbitzua eskainiko da, azoka barrutian.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
