Pirinioetan izan dira Sarako gaztetxoak

Pirinioetan izan dira Sarako gaztetxoak
Heldu den urtean itzultzeko gogoz dago taldea

Bortz eguneko egonaldian hainbat jarduera egin dituzte

Abuztuaren 6tik 10era Sarako Aisialdi zentroko hogei haur eta Xan, Martina eta Maialen arduradunak Ossau haranean izan ziren. Bortz egunak Pont de Camps aterpetxean igaro zituzten, bizikidetza eta laguntasuna landuz.

Eguraldi txarrak eragindako trabei aitzin eginez aste ederra pasa zuten Pirinioetan. Egonaldian Laruns ingurua ezagutu, aktibitateak egin, La Falaise Aux Vautours museoa bisitatu, bizikleta ibilaldiak egin eta raftinga probatu zuten. Bertako jendeekin trukaketak egin zituzten, istorioak partekatuz eta Laurent artzainaren gasna erosiz.

Mendi ibilaldi eder bat ere egin dute, Ayous lakuraino, Pierre gidari zutela. Egun zoragarria pasa zuten mendi, animalia, lore eta paisai ederrez gozatuz. Egonaldi honek utzi dizkien oroitzapen ederrak tarteko, heldu den urtean berriz joateko prest da taldetxoa.