Mattin Villares eta Jon Zozaia nagusitu dira Urdazubiko Kontrabandisten II. Rallysprintean

Urdazubiko gidariaren eta Goizuetako kopilotoaren gibeletik, Joseba Beola eta Joselu Irazoki bortziritarrak sailkatu ziren

Urdazubiko bigarren Kontrabandisten Rallysprinta burutu zen ekaineko lehen asteburuan. Nafarroako asfalto gaineko Rally txapelketarako baliagarria zen probako sailkapen orokorrean, lehen postua Sardara taldeko herriko Mattin Villaresentzat izan zen, Jon Zozaia goizuetarra kopiloto zuela, Renault Clio Maxi autoa gidatuz. Bigarren postuan, Ilargi Sport taldeko Joseba Beola etxalartarra eta Joxelu Irazoki igantziarra sailkatu ziren (Mitsubishi Lancer Evo X) eta hirugarrenean, Alberto Marcos eta Maider Usandizaga gipuzkoarrak (BMW M3). 24 autok parte hartu zuten proban.